LORÊYA FÎSTAN SOR

-
LORÊYA FÎSTAN SOR



Di derbarê strana "Lorê" an bi navekî din "Fîstan Sorê-Kiras Sorê" de gelek tişt hene bêne gotin, lê ez ê bi kurtegotareke çend gotinan li ser vê stranê bêjim..


Di dîroka hunera kurdan de hin stran hene heta çerxa dinyayê bizivire dê ji aliyê hunermend û stranbêjan ve bêne gotin. Lorê jî yek ji ew stranên vê çêrxê ye..

Strana Lorê, weke bi sedan stranên folklorê gelerî tê zanîn. Di gotinên stranê de jî kifşe stran aydê herêma Wêranşarê û derdora wê ye.

Bi raya min ji salên 90'î vir de kirasê hunera kurdan ewqas li stranekê xweş nehatiye..

Wekî tê zanîn folklora Kurdan di dinyayê de bi nav û deng e. Folklora Amedê li gor herêmên din bêtir pirrengîn e. Lê govenda herî zêde tê lîstin bêguman giranî ye. Her wiha li Mêrdînê milanî û cîda, li Botanê şêxanî, li Serhedê eyşokê û şemamê, li Dersîmê jî qereçol û sê ling zêdetir têne lîstin.

Li herêma Wêranşar, Girê Sor, Qerecdax, Dêrikê, Erxenî û derdora Rihayê jî govenda Şewqo navdar e. Li herêma Amedê ji vê govendê re Dizo tê gotin.

Reqs û govendên bi navê Delîlo, Esmerê, Eyşokê, Keşeo, Şêrizdîn, Çaçanê, Meryemo, Şemamê, Şewqo û hwd hemû navên xwe ji navê bedewiya keç û mêrxasiya xortên kurdan girtin e..


Bi hezaran stran hene li gor rîtm û ahenga van reqs û govendan têne gotin, lê di salên dawî de kêm stran hene mohra xwe li rojeva reqs û govendê xistin e..

Stranên şoreşê ne tê de, herî dawî stranên salên 90'î yê ji aliyê çend komên kurdan ve hatibûn xwendin mohra xwe li dîroka reqs û govendê xistin e..

Weke mînak tu hunermend û stranbêjekî di dawetan de bê stranên salê nodî nikare bernameya xwe biqedîne.

Strana Lorê, ji bilî herêmên weke Dêrikê, Wêranşarê, Girê Sor heta Erxeniyê û hwd gelek bi derengî hatiye kifşkirin..

Rîtm û ahenga strana Lorê, li gor govenda Şewqo an bi navekî din Dizo ye û di demên dawî de li Amedê ev govend weke Lorê tê binavkirin û lîstin..

Stranbêjekî kurd ê bi navê Tekîn Bozkurd ji bo strana Lorê vîdeoklîbekî çêkiriye. Dibe ev ciwanê kurd ne profesyonel û navdar be lê xebata wî hêjayî teqdîrê ye.
Eferim jê re!


Mordem Zel
22.11.2019 Amed

Yorumlar

Yorum Gönder

Bu blogdaki popüler yayınlar

Pîrozgeha Efsanewî û Serdema Deqyanûs

-
Resim
Li herêma Licê ya Amedê û hawirdorê, 28'ê Gulanê wek rojekî pîroz û cejna xweparastinê tê pêşwazîkirin. Bi munasebeta salvegera vê rojê, ez ê hewl bidim di vê gotarê de behsa çîroka efsanewî ya bi navê Sadilkêf (Eshab-i Kehf) û serdema Deqyanûs bikim. DEQYANÛS KÎ YE? Deqyanûs hukumdarekî pûtperest ê serdema împaratoriya Romayê ye. Kesekî xwedênenas û zilimkar bûye. Kesên ku li hemberî wî serî netewandine yan wan tecrît kiriye, yan daye kuştin. Navê bavê wî Qaqenûs e. Qaqenûs, xizmetkarê gorên qralên serdemê bûye û bi qilafetê xwe kesekî qirase û xişin bûye. Beriya Qaqenûs bimre, behsa gorên qralan ji Deqyanûs re dike. Hukumdar û qralên berê dema mirine tevî zêr û zîv û tiştên xwe yên biqîmet hatine veşartin. Piştî mirina Qaqenûs, Deqyanûs çend gorên qralan vedike û zêr û zîvên tê de veşartî derdixîne. Deqyanûs, bi wan zêr û zîvên ku ji gorên qralan derdixîne li ser girekî bilind, derdora wî bi dîwar honandî bajarekî ava dike. Piraniya hukumdar û qralên serdemên ...
Devamı

TAYBETMENDIYA KEVIRA KIR

-
Resim
TAYBETMENDIYA KEVIRA KIR Ev gotara li ber destê we, ji çavkaniyên dîrokî û berhevkariyan bêtir dê we bide fikrandin! Bi xwendina vê gotarê, dibe ku hin tişt di serê we de zelal bibin û we bigînin hin rastiyan. Mijara ez ê pê behsbikim, têkildarî kevira Kir, Kirs, Kils an jî Qels û navên hin bajar û herêmên Kurdistanê ye.. Her çiqas di derbarê dîroka navê hin bajarên Kurdistanê de çavkaniyên zelal tune bin jî, meriv dikare bêje navê war û wargehên Kurdistanê, dem bi dem ji aliyê serdest û dagirkeran ve hatine guherandin. Hin nav jî hene li gor devokên herêmî bi demê re hatine guhertin û ji wateya xwe hatine dûrxistin bêwate bûn e. Mînaka herî berbiçav navê bajarê Amedê, Diyarbakir e. Di dîrokê de, navê bajar gelek caran hatiye guhertin. Herî dawî ji aliyê dewleta tirk ve navê Diyarbakir lê hatiye kirin. Li gor çavkaniyên dîrokî, kevirên herî binke yên bedena Amedê (Sûr) beriya 9000 salan ji aliyê Hûriyan ve hatine lêkirin û piştre medeniyetên din lê zêde kirin e. S...
Devamı

KELEŞO NÛ BI DARO

-
Resim
Di folklora kurdî de bi hezaran klam û serpêhatî hene, bandora wan a li ser civakê bi qasî destanekî lehengiyê ne. Hin klam jî hene di nav civakê de bûne weke zarokek ji malê û têne heskirin, lê hezar mixabin bi çîroka wan baş nayê zanîn. Yek ji van klaman jî klama Keleşo ye. Ev klama herêma navçeya Bazid a Agiriyê cara ewilî di radyoya Rewanê de hatiye bihîstin û paşê li her derê Kurdistanê belav bû ye. Her çiqas navê klamê Keleşo be jî, li hin herêman weke Mele Îsa û Seyranê jî nav lê kirin e. Keleşo, kî ye û ji kî re tê gotin? Wekî tê zanîn çanda kurdî ya folklorîk zêdetir li ser devê dengbêjan hatiye parastin û heta roja îro ma ye. Ji bo qeyda nivîskî tunebûye bi demê re gotinên gelek klam û stranan li gor qayde û meqamên herêmî hatine guhertin. Klama Keleşo û Seyranê jî yek ji wan e. Keleş, ji xortên nû dikevin dara xwe re tê gotin, di heman demê de, ji bo xortên jîr ê şimşad û wêrek jî tê gotin. Hema hema hemû hunermendên vê klamê distrin weke Keleşo kesekî...
Devamı