Zel Mordem

EM Ê TEŞIYA WÊJAYA KURD HETA HETAYÊ BIRÊSIN Koma Helbestê ya Amedê piştî mehekî şûnda dest bi rêzebernameyên xwe yên demsala payîzê û zivistanê kir. Mêvanê bernameya yekem a demsala payîzê yek ji sembolên welatparêziyê rêzdar Şêx Mîsbahê Silîvî bû. Bername bi beşdarbûna endamên Koma Helbestê ya Amedê û wêjehezên kurd li şaxa Med Derê ya li taxa Ofîsê ya Amedê hat lidarxistin. Di bernameyê de, pirtûka helbestkar û nivîskar Mahabad Felat a bi ser navê "Pêtî" jî hat nirxandin û rêzdar Şêx Mîsbahê Silîvî ji beşdaran re behsa xebatên xwe û wêjeya kurd kir. Di destpêka bernameyê de moderator Siltan Yaray ji beşdaran re behsa xebatên Koma Helbestê ya Amedê yên demên borî kir û got; Armanca me ew e ku em weke Koma Helbestê ya Amedê heta hetayî di xizmeta ziman û wêjeya kurd de bin û em ê teşiya wêjeyê tim birêsin û alaya Herîrî û Seydayê Cegerxwînan tim bilind bikin. Rêzdar Şêx Mîsbahê Silîvî jî, di derbarê wêjeya kurd û cîhanê de hin mînakên berçav da û got; wêje ne ka...

SEKVAN Metîn AKTAŞ Werger: Mordem ZEL   ... Di meha Hezîranê ya sala 1974'an de li hala Xarpêtê, min û Şêxmûs hevdû nas kir. Kelekela germa havînê bû; weke bizota agir, bi dijwarî rojê girtibû ser ezmanê Xarpêtê û bajar diqijqijandin. Hal, wê çaxê ne weke îro li derê bajêr, li nav bajêr, li jêrê hala genim a îroyîn bû. Derdora halê bi avahiyên duqat sêqat honandî, li diyarê halê jî, bi çend qelasên qalind û bi kiremîtan serbanek hatibû çêkirin. Li wir bi hezaran kevok dihatin xwedîkirin. Heke, tenê bi gotinekî bê pênasekirin, ev hala ku her roj bi hezaran însan dihatinê, weke pêşangeh û marezê bûn.. Ji her polê, pîşeyê, di her tîpê de dîtina mirovan pêkan bû. Ew roj, tevî Celalê kurê meta xwe em çûbûn halê. Celal yekî qeşeng di temenê min de bû û li halê karê selekan dikir. Min, li lîseya Colemêrgê dixwend. Celal, qet neçûbû mektebê, lê ciwanek pir jîr, jêhatî û xêrxwaz bû. Bavê wî, di dema zarokiya wî de ketibû binê aşîtê û jiyana xwe ji dest dabû. Li hala zerz...